Ezustekorik gabe atera da Javier Esparza UPNren presidente. Botoen %83 eskuratu du eta alderdi erregionalistaren aginte makila hartu du Esparzak. Hautagai bakarra izan zen eta espero bezala babes zabala izan zuen atzoko alderdiaren X. kongresuan. Hopri bai, %17ak ez zuen babestu nahiz beste aukerarik ez izan beste inoren alde. Todos somos Navarra goiburuarekin ospatu zuten Baluarten kongresua. Idazkari nagusia ere hautatu zuten atzo: Yolanda Ibañez izanen da, Milagroko alkatea, botoen %73 bereganatuta.
Gobernura itzultzeko gogoz ageri zen atzo Esparza. Nabarmendu zuen, gero eta jende gehiago ari dela ohartzen Uxue Barkosen Gobernuen asmoez: "Gutxi batzuentzat baino ez da ari lehendakari lanetan eta milaka nafar bazterrean utzi ditu". Autokritika UPNk egina duena jakinarazi zuen eta uste du ongi egindakoak gehiago direla akatsak baino.