Euskal herritarron oroimen historikoa eta imajinario kolektiboa "menpekotasunekoak" direla esan du Sareak; haatik, baikor ikusi du geroa, "inoiz baino argiago" ikusi baitu Euskal Herriak "bere buruaren jabe izateko beharra" daukala. Horregatik, "dependentziatik independentziara" jo behar dela deritzo.
Hañaber, independentziak ateak "zabaldu" eginen lituzkeela uste dute, eta zerrendatu egin dituzte herriari lekarzkiakeen "onurak": "demokrazia sakon eta parte hartzailea eraikitzeko aukera; justizia sozialean eta aniztasunean oinarritutako gizartea eratzeko aukera; herritar guztiak duintasunez bizitzeko aukera, pobrerik gabeko euskal jendarte baterako aukera, euskaraz bizitzeko aukera, askatasunean eta bakean bizitzeko aukera..."
"Herri libre batean herritar zoriontsu izateko aukera", emanen luke, azken finean, Independentistak Sareak kaleratutako prentsa oharreren arabera.