Foruzaingoak "premiak" dauzkala esan du, eta, horrekin batera, 2016ko eta hurrengo aurrekontuetan "behar bezainbesteko" diru sailak agindu dizkio. "Zuzkidura horri esker, beren lana eraginkortasun nahiz duintasunez egingo dute, eta ibilgailuak, arropa eta material teknikoa, besteak beste, erosteko bultzada handia ekarriko du", ziurtatu du Barkosek.
Emaitzak emanen ditu Foruzaingoari diru bideratzeak, haren iritziko: "Gure foruzainak polizia hurbileko eta erabilgarri modura agertuko dira herritarren aurrean, azken horien arazoak konpondu ahal daitezen".
Datuak ere eskaini dituzte. Herritarrek jarritako salaketak jasotzeari dagokionez, %32,45arekin, delitu gehien ezagututako polizia izan zen, eta haren atzetik datoz, udaltzainak, Guardia Zibila eta Espainiako Nazionala.