Adierazpen instituzionala izanen dute gaur eztabaidagai Mahai eta Eledunen batzarrean. 10:00etan batzartuko dira alderdi politikoetako eledunak eta guztira hiru adierazpen ikusiko dituzte. Horietako bat, Sinboloen Legea bertan behera uzteko eskaera duena. Geroa Baik, EH Bilduk eta Podemos-Ahal Duguk eraman dute adierazpen hori. Era berean, hiru alderdi horiek positiboki hartu dute Espainiako Abokatutzak ez onartu izana helegitea Berriozarko Udalean ikurriña jartzeagatik herriko festetan.
Beste bi adierazpen
UPNk ere adierazpen bat eramanen du gaurko batzarrera: pertsonen salerosketaren aurka erakundeek eta gizarteak egin dezatela. Beste adierazpena, Gobernua babesten duten lau alderdiek eramanen dute: cannabisa erabiltzen duten elkarteak arautzen duen Foru Legea babesteko eskaera.