Frontoi zahar baten atzean bizi dira. Abandonatutako orube batean. Xaflaz egindako etxoletan, egurrezko txaboletan. Iruñeko Udalaren arabera, zortzi adin nagusi dira. Pobrezia egoeran bizirauten duten zortzi pertsona.
Santa Maria la Realeko inguruan daude, Tenis klubaren atzealdean, hain zuzen ere; eta duela bost urtetik hor badira ere, orain, inguruko bizilagunek salatu egin dituzte, "insegurtasuna eta garbitasun eza" kritikatuz.
Hedabide batzuek, Diario de Noticias de Navarrak, esaterako, erreportajea egin du; hara joan eta bertakoen bizi baldintzak azalduz. Bertan bizi direnen jatorria jartzeari garrantzitsua iruditu zaio egunkariari.
"Gu eta gure sema-alabak egunero pasatzen gara inguru horretatik. Pilatutako zikinkeriak arratoi habiak egotea eragiten du, gero eta gehiago dira eta gaixotasunak transmititu ditzakete. Indibiduo horiek eskean ibiltzen dira, batzuetan mozkorrak daude eta espaloian oka egiten dute". Horra auzokoek Change.org atarian egindako salaketa.
Orubea Tenis klubarena da %90ean eta udalarena %10ean.
Pobreziak baldintzaturik
Txabolak iritzi artikulua egin du Aingeru Epaltza idazleak gurean, auziari helduz. Besteak beste, bertan daudenen pobrezia eta bazterketa egoerak izan ditu hizpide.