Aberri Eguna "zabala eta parte-hartzailea" izateko asmoz da Independentistak Sarea. "Sigla eta familia politikoetatik harago, independentista guztiek aniztasunean elkarturik ospatzeko deia" zabaldu du, hori dela eta.
Iruñera joateko deialdia egiteaz gain, "mundu zabalean zehar zabalduta dagoen euskal komunitatean" Aberri Eguna ospatzen den toki kopurua handitzeko helburua ere badu, "munduko herrialde desberdinetako sarekideen bitartez".
Martxoaren 27ko "erronkari" elkarlanean erantzun nahi diote. Bide beretik, egungo garai politikoak Aberri Egun "jendetsu eta esanguratsua" behar dutela azpimarratu dute.