"Ulergaitza" egin zaio Mikel Urmenetari kaleratzea, hedabideei helarazitako oharrean adierazitakoaren arabera.
Orain, bera eta Kukuxumusuko "marrazkilari freelance guztiak" Urmenetak berak sortu berri duen markara joanen dira. Ostegunean aurkeztuko dute proiektua, Iruñean.
Xehetasunik eman ez badute ere, argitara eman dituzte jada fundatzailearekin batera lanean ariko diren hainbat sortzaileren izenak: Txema Sanz, Belatz, Asisko eta MKO.
Konpainia aurkezteaz gain, aurtengo sanferminetarako propio margotutako marrazki seriea aurkeztuko du.