Nafarroako Gobernuak eman du heldu den urterako prestatu duen aurrekontuaren berri. Ogasunak aurreikusten du datorren urtean diru sarrera ez-finantzarioak 3.424,6 milioi eurokoak izanen direla. Horrekin batera, 2016ko defizitaren muga barne produktu gordinaren %0,3koa izanen denez, Nafarroak gehienez zor titulu bidez 56,8 milioi euro eskuratu ahal ditu. Hartara, gastu-muga 3.478 milioi eurokoa izanen da, aurtengoa baino 109 milioi euro gehiago.
Nafarroako Gobernuak kalkulatzen du 2016an ekonomia %2,9 handitzea eta aurten %2,8. Berriki aurtengo aurreikuspena lau puntutan hobetu du. Enpleguari dagokionez, aurten %2,2 eta datorren urtean beste %2,2 hobetzea espero du. Guztira, 6.000 lanpostu gehiago sor daitezke aurreikuspen hori betetzen bada.
Oinarri horiekin datozen asteetan datorren urteko aurrekontu proiektua prestatuko du exekutiboak.