Itxura guztien arabera, Euskararen Foru Legearen aldaketa onartu eginen du Nafarroako Parlamentuak datorren osteguneko osoko bilkurak. Aldaketa horren arabera, legearen araberako Eremu Ez Euskalduneko hezkuntza sare publikoan D eredua eskainiko da, aski eskaerarik izanez gero. Aldaketak ez du zehazten eskaera hori zenbatekoa izan behar den euskarazko lerro bat ireki dadin. Aurreikuspen guztien arabera, PSNk, Bilduk, aralar-Nafarroa Baik, Izquierda-Ezkerrak eta Geroa Baik aldaketaren alde bozkatuko dute, eta hartara aurrera aterako da, UPNk eta PPk kontra bozkatu arren. Sortzenek elkarretaratzea eginen du Parlamentuaren aitzinean, "emango den pausoari ongi etorria emateko, eta euskararen ofizialtasunaren alde lanean jarraitzeko deia zabaltzeko".
