Sexu eta Genero Aniztasunaren eta LGTBI+ Berdintasunaren Planak esku-hartzeko lau esparru ezarri ditu bere helburuak lortzeko: Iruñeko udalaren barruko lanari dagokio lehen esparrua, ahalduntzea da bigarrena, sentsibilizazioa lantzea hirugarrena eta LGTBIfobiari aurre egitea laugarrena. "Ez da LGTBI+ kolektiboarentzako plana, herritar guztiontzako bide orria da", adierazi du agerraldian Zaloa Basabe Berdintasunerako zinegotziak. Plana orain egin da, eta horretarako 2021ean egindako parte-hartze prozesu batean lortutako datuak eta pertzepzioak eguneratu dira. Plana osorik ikus daiteke Iruñeko Udalaren webgunean.
Mila ekarpen baino gehiago izan dituen tresna horri esker, administrazio inklusiboa eta LGTBIfobiarik gabeko hiria lortzeko politikak eta ekintzak garatu ahal izanen dira. 2024-2028 urteen artean garatu nahiko luke plana Iruñeko Udalak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!