Nafarroako Ostalarien elkarteak antolatuta, 2,20 eurotan salduko dituzte kazolatxoak ekimenean parte hartuko duten lokalek. Gainera, taberna horien erdiak zeliakoentzako jakiak jarriko ditu erosleen eskura.
Kazolatxo bakarra aurkez dezake taberna bakoitzak lehiaketara, eta Gazteleku Elkarte Gastronomikoko kideek epaituko dituzte plater guztiak.
Horrez gain, Nafarroako ardoaren kontsumoa bultzatu nahi dute antolatzaileek, horregatik, kazolatxoa eskatzearekin batera tokiko ardoa eskatzeko deialdia zabaldu dute.
Parte-hartzaileen eta kazolatxoen inguruko informazio guztia proiektuaren webgunean bildu dute.