Gizarteratze Errenta jasotzen duten herritarrek tarifa bereziak gozatuko dituzte villavesetan, zabor bilketan eta ur zerbitzuan. Berriki hala onartu zuen Iruñerriko Mankomunitateak, eta erabaki hori gauzatzeko xedearekin akordioa sinatu dute Nafarroako Gobernuko Gizarte Politika kontseilari Iñigo Allik eta Iruñerriko Mankomunitateko presidente Jose Muñozek. Zehazki, akordio horren bitartez Nafarroako Gobernuak tarifa bereziak eskatu dituzten oinarrizko errentaren jasotzaileen zerrenda emanen dio Mankomunitateari.
Mankomunitateak %90eko beherapena eskaintzen die ur zerbitzuetan eta hondakinen bilketan behar ekonomiko bereziak dituzten familiei. Egun, 2.000 bat familiek dituzte tarifa bereziak. Bestalde, martxoaren batean villavesetako F tarifa onartu zuen Mankomunitateak. Horren arabera, bidai bakoitzeo 17 euro ordainduko dute tarifa berezia dutenek.