Iruñerriko euskaldunon agerkaria
euskalerriairratia.eus

Iruñeko istiluen auzian "terrorismo delitua" dagoela dio Auzitegi Nazionalak

Euskalerria Irratia 2017-03-27 20:38   Gizartea  Iruñea

Nafarroako Auzitegiko 4. instrukzio auzitegiak esan zuen "terrorismo delitua" egon zitekeela auzian. Carmen Lamela epaileak hartu du auzia bere gain.

"Desordena publikoak, lesioak, kalteak, sutea eta atentatua" delituak egon deitezke, auzitegiaren arabera, martxoaren 11n Iruñeko Alde Zaharrean izan ziren istiluetan. Iruñeko Auzitegia inhibitu egin zen auzian eta horrek esan nahi du hiru gazteei "terrorismo" delitua egozteko zantzuak ikusten dituztela, eta beraz, zigor handiagoak jasotzeko arriskua dutela.

 

Errepresioari Autodefentsa taldeak deituriko manifestazioaren ostean lau gazte errenteriar atxilotu zituzten. Haietako hiruk espetxean jarraitzen dute. Laugarrena libre utzi zuten, adingabea delako. 

 

Lamela epaileak autoa kaleratu du gaur, auzia bere gain hartzen duela azalduz. Argudiatu du Iruñean egindako protestak "bake publikoa hondatzea" zuela helburu, "ordena Konstituzionala nahastea". Eta horretarako harriak-eta eraman zituela talde batek Errenteriatik Iruñera. Bere arabera, Errenteriako taldeko kide lirateke hiru ikertuak. Helegitea jartzeko aukera dute gazteek, hiru eguneko epean.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa