Iruñerriko euskaldunon agerkaria
euskalerriairratia.eus

Karrikiriren indarberritzeko lehen udaberriko pilula astearte honetan

Euskalerria Irratia 2017-03-27 19:42   Euskara  Iruñea

Garikoitz Goikoetxea Berriako kazetariak “Euskara irabazteko bidean” liburua aurkeztuko du arratsaldeko 19.00etan, Xabier Karrikaren 4an.

Karrikiriren indarberritzeko lehen udaberriko pilula astearte honetan
Garikoitz Goikoetxea. Arg: sustatu.eus | Ikusi handiago | Argazki originala

Hiru solasaldi interesgarri antolatu ditu Karrikiri Elkarteak datozen egunotarako.

Lehen saioan Garikoitz Goikoetxeak bere liburua aurkeztuko du. Hauxe dio egileak “Euskara irabazteko bidean” lanean bildutako hausnarketez:  “Sentsazioa da. Giroa. Nahia ere bai. Euskara biziberritzeko bidean aldaketak datozen sentsazioa. Aurrerapena egin du euskarak azken hamarkadetan. Aurrerapen handia. Baina bide luzea dago aurretik. Beste egoera bat zabaltzen ari da. Orain arteko erronkei beste batzuk eransteko garaia: ezagutzari erabilera, aldekotasunari aktibazioa, bihotzari mingaina. Giroa. Elkarlanerako bide sendoagoak ere hasi dira urratzen euskalgintzako eragileak. Aldaketa politikoaren arrastoa nabari da euskararen arloan ere; akordioen bidea zabaltzen ere hasi dira han-hemen. Eta nahia. Batez ere nahia. Egoera aldatzeko nahia nabari da batean eta bestean, etsipen kutsutik aldentzekoa, egoera berriari egoki erantzutekoa, euskara irabazteko bidean jartzekoa. Sentsazioa da. Giroa. Nahia ere bai: bidea egiteko. Bidea irabazteko. Euskara irabazteko. Euskarak irabazteko.”

 

Hurrengo solasaldiak:

- Apirilaren 6an: Lorea Agirre, “Bagara nor” Korrikako mezuak gorde duena

- Apirilaren 7an: Jon Alonso, “Txakolina Iruñeko edaria zenean”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa