Artista askoren obrak bildu ditu Alboan Fundazioak, halabeharrez haien bizitokia utzi behar izan duten horien berri emateko. 24 irudiz osatutako erakusketa muntatu du Zabalguneko Civivoxean; imajinez gaindi, migratzaileen hainbaten testigantzak ere bildu ditu.
Alboanen arabera, urtero 300.000 lagun saiatzen dira Mexiko eta AEBetako muga igarotzen eta soilik %15ek lortzen dute. Ez da hori muga eta harresi bakarra, baina. Melillako hesia pasatzen milaka lagun saiatzen dira urtero.
Oroitarazi dute, halaber, munduan 2000. urtetik 40.000 lagunek galdu dutela bizi hobe baten alde. Erakusketa astelehenetik larunbatera arte egonen da zabalik.
