Bihar, ostiralarekin, masa kritikoa abiatuko da Iruñeko Gazteluko plazatik, Arrosadiaraino, bestelako mugikortasun eredu baten alde egiten duen 8-80 plataformak deituta.
19:30ean abiatuko da Gazteluko plazatik eta Arrosadiako Manuel de Falla kalera iristerakoan, manifestazio "txiki bat" antolatu dute, 20:00etan.
Zergatik Arrosadian?
Arrosadian izanen da mobilizazioa, hain justu azken inkestetan auzokideek autoak eta "segurtasun eza" aitatu zituztelako auzoko arazo nagusien artean. Gainera, Zaragoza Etorbidea eta Blas de la Serna etorbideak "arriskutsuak" ere badira eta espaloiak "estuak eta egoera kaxkarrekoak".
Manuel de Falla kalea oinezkoentzat izatea eta bizikletentzako egokitzeko; Blas de la Sernan semaforoak paratzeko; Zaragoza etorbidean hesitxoak jartzea, autoak galtzadara ez igotzeko; espaloiak txukuntzea eta zenbait kale zabaltzeko eskatu dute, besteak beste.