Hamabi urte eta sei hilabeteko zigorra dauka Nagore Laffage erail zuen Jose Diego Yllanesek. Oraindik ez du bete. Eta 3. gradua eskatu du. Epaileak ezetz esan dio, ordea. Nafarroako Auzitegiak baztertu egin du haren eskaera.
Kartzelan izandako jarrera "ezin hobea" da, espetxeak berak egindako idazki batek dioenez; "haren kideek oso ongi baloratzen dute", gainera. Nolanahi ere, auziaren larritasunaren jakitun da epailea eta hiru laurdenak bete ez izanak ez dio baimenetarako eskubiderik eman.