Berretsi egin du Iruñeko udalak apirilaren 11n onartutako adierazpen batean esandakoa: tailer eskolak sostengatuko ditu. Are gehiago, "izaera soziala" izan dezaten izanen du helburu, hori egonen da euren "izaera profesionalaren" gainetik.
Hala, kritikatu egin du abuztuaren 5eko udal erabakia; izan ere, Aranzadiko Tailer Eskolako zuzendari berriaren izendapenarekin ez dago ados Herritarren Arretarako Batzordea. Haren profil profesionala "errespetatzen" badu ere, profil soziala mantentzeko ez dela egokia uste du.