Goizez egin behar da matrikula, Uharten, euskaltegian bertan, Zubiarte kalean. Bestela, Internet bidez ere osatu daiteke, euskaltegiaren webgunean.
Honako hauek dira martxan jarriko dituzten ikasketa mailak:
- Astean 10 ordukoak, A1, A2, B1 eta B2 mailetan, 09:15-11:45, 17:00-19:30 eta 19:30-21:30 ordutegiekin.
- Astean 5 ordukoak, A1, A2, B1, B2, C1 eta EGA mailetan, bi saiotan banatuta (astelehen eta asteazkenak edo astearte eta ostegunak), eta 09:15-11:45, 17:00-19:30 eta 19:30-21:30 ordutegiekin.
- Astean 4 ordukoak, mintzapraktika, B2 eta C1 mailak.
- Autoikaskuntzako ikastaroak astean 2 orduko mintzapraktikarekin eta 6 orduko lan-konpromisoarekin. Ordenagailua erabiltzen jakitea eskatzen da.
- A1, A2 eta B1 mailen kanpoko ikastaroak zenbait zentrotan, astelehen, astearte eta ostegunetan ematen diren ordutegiak lehenetsiz.
Informazio gehiago 948 361 091 telefono zenbakian eskuratu daiteke.