Ijitu aurreskua Iruñeko Udaletxeko balkoitik aurkeztuko dute, eta Jeronimo Mayak eta Juan Salazarrek dantzatuko dute plazan. Lau bat minutuko iraupena du. Bihar, 13:30ean, Estafeta karrikan errepikatuko dute, La Perla hotelaren atzealdean.
Josetxo Goia-Aribe musikaria Bost aurresku izeneko proiektua lantzen ari da. Horren ingurumarian bururatu zitzaion ijito-aurreskua sortzeko ideia.
Goia-Aribek aurreskuaren gaineko bariazio musikalak sortu ditu, eta nazioartean itzal handia duten bost dantzarik, horien interpretazio koreografikoak egin dituzte: Sonia Sanchez, Iñaki Fortu, Chloe Brule, Inma Chopo eta Marcos Vargas hain zuzen ere.