Uztailaren 29an auto batek Maria Huarte Larunbe 78 urteko emakumea harrapatu zuen, Arrotxapeko Bernardino Tirapu kalean, semafororik gabeko zebra-bide batean.
Hamar egun geroago, abuztuaren zazpian, beste ibilgailu batek Ana Maria Elizari Eslava 76 urteko emakumea harrapatu zuen, Ermitagaña auzoan, izen bereko kalean, semafororik gabeko beste zebra-bide batean.
Iruñeko Udalaren Herritarren Segurtasuna ataletik diote bi istripuak ikertu dituztela, eta ondorioztatu dutela ez dagoela harremanik gertakarien eta galtzadaren egoeraren artean. Ermitagañako zenbait auzoko ez datoz bat ebazpen horrekin, eta elkarretaratzeak egin dituzte segurtasun neurri gehiago aldarrikatzeko.
Azken urteotan 2012a izan da urterik okerrena halako istripuei dagokienez, bost lagun zendu baitziren. Onena, berriz, 2009, hildakorik ez baitzen izan.