Egitasmoak indarra har dezan, marketing kanpaina abiatu dute: iragarkiak jarriko dituzte irratietan, publizitate hesietan eta billabesen markesinetan. Afixetan, 1905ean ireki zen Drogueria Lopezeko langile Jose Ignacio Esteban eta berriagoa den El Perro Verde saltokiko Isabel Belzunce azaltzen dira.
Era horretan, gisa horretako dendek duten balioa azpimarratu nahi izan du udalak, eta, bide batez, sarean, saltoki handietan eta frankizietan erosteak eragiten duena azaleratu.
"Dendak dira hiriko kaleari eta auzoei bizi ematen diotenak", esan du udalak, prentsa ohar bidez.