Udaltzaingoak jakinarazi duenez larunbatetik iganderako goizaldean izan zen azken erasoa, kalean. Dei bat jaso zuten udaltzainek Donibaneko San Roke kalean sexu eraso bat gertatzen ari zela jakinaraziz, eta bertara joan ziren poliziak. Han zen erasoa jasandako neska, 20 urtekoa, beste lagun batzuekin. Herritarrek erasotzaileetako bat atxikia zuten eta erasotzaile horrek eman die bestearen deskribapen fisikoa. Auto artean ezkutatuta zegoen, gertuko kale batean. Ondoren atxilotu zituzten bi gizonak 26 eta 21 urte dituzte. Polizia iturrietatik aditzera eman dutenaren arabera hirugarren ustezko erasotzaile baten bila dabiltza orain.
Eraso hori salatzeko elkarretaratzea egin da gaur Golem zinema tokietan dagoen Tramontana monumentuan. Bertan izan da, besteak beste, Iruñeko alkatea Joseba Asiron.
Asironek ohartarazi du ez daudela halako egoerak onartzeko prest, eta euren esku dagoen guztia egingo dutela, halakorik gehiago gerta ez dadin. Hala, udalak deituta elkarretaratzea eginen dute bihar eguerdian.