"Herritarrek orain arte baino askoz eskubide zabalagoa izanen dute euren seme-alabak nahi duten ereduan matrikulatzeko". Joseba Asironek egin du irakurketa, funtzionarioak omentzeko prentsa-aurreko batean; gaia ez zen haur-eskolena. Baina urak ez daude bare.
Langileak ere izan ditu gogoan. Inor ez dute botako, haren hitzetan. "Gehienez ere" lekualdatzeren bat eginen dute, eta eskualde barruan.
"Iruñea bi hizkuntzadun hiria da, eta biek izan behar dute tokia", duda-mudarik gabeko solasaldia osatu du.
Datu historikoekin harilkatu du kontakizuna: 1983an, haur eskolak ireki ziren urtean, zortzi zentroetatik bi ziren euskaldunak; 2015ean, hamalau eskola ziren, eta, hala ere, bi eskoletan baino ez zuten euskara irakasten.