44 dira gutxienez gizarte mugimenduetara Iruñeko Udalak bideratuak dituen eraikinak. Bost urterako uzten dizkio udalak kolektibo bakoitzari eraikin edo lokal bat doan, eta talde horren kontura gelditzen dira ohiko gastuak: ura, argia eta beste. Izendapen publikoko ondare gisara ditu udalak eraikin horiek eta hortaz, osoko bilkurak erabakita, kolektiboei bideratzeko aukera izaten du.
Autobus geltokian esaterako, Erraldoi eta Buruhandien konpartsak du bere txokoa. Urtarrilaren 2az geroztik daude han, nahiz eta, behin behineko tokia den taldearentzat. Txantrean bestalde, jubilatuen elkartea ere utzia die udalak.