Bartzelonako alkate Ada Colauk bultzaturiko aterpe-hirien sarean parte hartuko du Iruñeko Udalak, Joseba Asiron alkateak iragarri duenez. Asironen arabera, “Iruñeak, ezinbestean, halako egoera batek eskatzen duen erantzuna emanen du”, eta “dagoeneko ekimenarekin bat egiteko erabaki politikoa hor dago”, eta erabaki hori “argi bezain irmoa da”. Iruñeko alkatea Bartzelonara joanen da datozen egunotan. “Han aterpe-hirien sarearen nondik norakoen xehetasunak ezagutu ahal izanen ditugu, prentsan irakurri dugunaz harago", aurreratu du.