Harrotasunaren eguna izan zen atzokoa. Lesbiana, gay, bisexual eta transexualen eskubideak aldarrikatu zituzten ortzadarraren koloreak nagusi zituen bandera hartuta. "Bagara... baditugu eskubideak" goiburuarekin Iruñeko kaleetan barna zabaldu zuten euren mezua. Nafarroako Parlamentuan eta Iruñeko udalean ere ikus zitekeen kolore askotariko bandera zintzilik. Hain zuzen, manifestazioan izan ziren Nafarroako Parlamentuko presidente Ainhoa Aznarez eta Iruñeko alkate Joseba Asiron. PSNko ordezkariak eta Izquierda-Ezkerrakoak ere izan ziren protestan.
"Gure eskubideak aldarrikatzeko gaude hemen", nabarmendu zuen Maider Lazkanok manifestazioaren bukaeran. Eskatu zuen era berean, "gizarte hobe bat lortzeko marko legala berritzea ezinbestekoa da".
