Probintzia Iberiarraren Anaia Maristek aurkeztutako proiektua jarriko dute mahai gainean. Horren arabera gune komertzialak eta 314 etxebizitza, horietarik 70 babes ofizialekoak, altxatuko ziren Santa Maria la Real-Maristen ikastetxe zaharraren orubean.
Ikastetxea Sarrigurenera aldatu zen tokiz eta orain proposatzen dutena da eraikin berriak egitea babestua dagoen Victor Eusa arkitekto entzutetsuak eginikoaren aldamenean. Honetaz gain, zine aretoa zena, 'Salón Champagnat' deiturikoa, erabilera publikorako gunea izanen zen eta eliza auzorako auditorio bihurtuko zen.
Eraikin zaharra eraberritu eta haren ondoan 20 solairuko kristalezko etxebizitza-dorre bat egitea da Maristen asmoa.