Arga ibaia eta Arbizu kaleen artean dagoen lur sailari dagokio, zehazki 9-A poligonoko P-14 orubea. Udalak Vitra Parque del Arga S. Coop. Ltda enpresarekin, CCOO sindikatuarekin eta GPS Gestión S.A.U. gestorarekin sinatu du hitzarmena.
1.778 metro koadroko orube honen prezioa 2.476.639 eurotakoa da, BEZa barne.
Orain 12 hilabete eta egun bateko epea zabaltzen da sal-erosketa kontratuaren eskritura sinatzeko. Lanak esleitu zaizkion taldeari jakinaraziko dio Udalak nola jaso nahi duen ordaina: dirutan edo babes ofizialeko zenbait etxebizitza hartuaz.
Hitzarmenean jasotzen den bezala, eginen diren etxeen diseinua hirirako “egokia” izanen da. Etxaurreak kalitate teknikoaren irizpideen arabera eginen dira eta etxebizitzek kalifikazio energetikoa izan beharko dute.
Hitzarmen hau lotua dago Udalak berriki UGTrekin sinatu duen beste batekin, Arrotxapean 56 etxebizitza gehiago egiteko.