Basaizea Elkarteak Nafarroaren eguna ospatuko du apirilaren azken igandean, Baigorrin. Goizetik iluntzera bitartean iraungo duen egitaraua antolatu dute eta antolatzaileek azaldu dutenez, “folklorismotik haratago” aldarrikapen eguna ere izango da. Goizean goiz abiatuko dira ekitaldiak igandean eta 11:00etan Nafarroa osoko hainbat dantza taldek desfilea eginen dute, txistulari, gaitero eta txarangekin batera. 11:30etan ekitaldi nagusia abiatuko dute Elizako plazan eta bazkalostean musikaren tartean Belako taldea izango da oholtza gainean besteak beste. Gainera, Baigorrira gerturatzeko autobusak antolatu dituzte Tafalla, Baiona, Maule, Donibane Lohitzune, Hazparne, Donapelu eta Iruñeatik.
Iruñerriko AEKk yoga gosaria antolatu du Laba elkartean. Goizeko 9:30etan egingo dute saioa eta ondotik gosaria, Goizane Arsanazekin. Izena emateko: Iruñerriko euskaltegietan edo info@laba.eus
Apirilaren 26tik 28ra ospatuko dira Sanduzelaiko jaiak. Bi gunetan antolatu dute egitaraua eta proposamenen artean izanen dira Biziraun erromeria, Luziano, Zinez, DJ Pezon edota Txutxin Ibañez.
Ekaina | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |