Iruñerriko euskaldunon agerkaria
euskalerriairratia.eus

Euskaraldiaren Nafarroako hamaikakoa: Hidalgo, Lakasta, Iantzi, Sanjurjo...

Euskalerria Irratia 2018-06-13 13:53   Euskara  Nafarroa

Arlo askotariko "euskaltzale erreferenteak" bildu dituzte hamaikakoan, ekimenaren "enbaxadore" izanen dira eta "herritarren parte hartzea" sustatuko dute.

Euskaraldiaren Nafarroako hamaikakoa: Hidalgo, Lakasta, Iantzi, Sanjurjo...
Argazkia: Pello Yaben, Nerea Fillat, Mikel Idoate, Mikele Grande, Juan Kruz Lakasta, Oier Sanjurjo, Zuriñe Hidalgo, Edorta Salvador, Saioa Jaurena, Nerea Egozku eta Julian Iantzi. | Ikusi handiago | Argazki originala

Oier Sanjurjo, futbolaria; Julian Iantzi, aurkezlea; Edorta Salvador, okina eta sukaldaria; Zuriñe Hidalgo, abeslaria eta aurkezlea; Nerea Egozkue, modeloa; Nerea Fillat, Katakrak-eko kidea; Mikele Grande, Uharteko gaztea; Mikel Idoate, enpresaria; Pello Yaben, enpresari aholkularia; Juan Kruz Lakasta, kazetaria; eta Saioa Jaurena, errugbi jokalaria. Horiek dira Euskaraldiko Nafarroako hamaikakoa osatuko dutenak. Beren zeregina: ekimenaren "enbaxadore" izatea, eta "herritarren parte hartzea" bultzatzea.

Belarriprest -berarekin euskaraz egiteko gonbita egiten diena gainontzekoei- eta Ahobizi -euskara ulertzen duten guztiei euskaraz eginen diena- roletan ariko dira. 

Azaroaren 23tik abenduaren 3ra

340 udalerritik gora izena eman dute azaroaren 23tik abenduaren 3ra iraunen duen Euskaraldian. Norbanakoen izen ematea, irailaren 20an zabalduko dute. 

Hizkuntza ohiturak "aldatu" eta euskararen erabilera "hazteko" ariketa eginen dute Euskaraldian parte hartuko dutenek, Euskaraldia "ariketa soziala" abita, "ez da euskararen aldekotasuna adierazteko kanpaina bat".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa