Iazko martxoan kendu zuten, Europar Batasunak errefuxiatuekiko garatutako politika salatzeko; Geroa Baik argudiatu du “protesta sinbolikoa” izan zela hura, baina badela garaia Europar Batasunaren bandera berriz jartzeko eta testuinguru politikoa aldatu dela ekarri du gogora Koldo Martinez bozemaileak.
UPN pozik azaldu da, bandera “sekula” kendu behar ez zutela adierazi du Carlos Garcia Adanerok.
Lauko taldekoak, aurka
Europako bandera jartzearen aurka segitzen dute EH Bilduk, Ahal Duguk eta Ezkerrak, eta hala bozkatu dute Parlamentuko mahaiko kide diren Maiorga Ramirezek (Eh Bildu) eta Ainhoa Aznarezek (Ahal Dugu) -Ezkerrak ez du ordezkaririk-. Europa "soziala" ez delako eta "konpondu beharko lituzkeen gatazkak" ez dituelako "konpondu" azaldu dira kontra, Ahal Duguko kide Carlos Cousok azaldu duenez.