Elkarretaratzea eginen dute Txantreako bizilagunek eta SOS Arrazakeria taldeak deituta Cheikhuona-ri babesa emateko. Asteazkenean izanen da Nafarroako Justizia Auzitegiaren parean. Egun horretan hartuko du erabakia epaileak: Cheikhuona Senegalera kanporatzea edo ez.
Duela zenbait urte iritsi zen Iruñera Cheikhuona. Ordutik, Txantrean bizi da. Kale salmentan ibili da eta horretan ari zela geldiarazi zuen poliziak. Paperik ez zuela konturatuta espedientean kaleratze agindua ireki zioten, eta hargatik, epaileak hartu beharko du erabakia. Txantreako bere bizilagunek eta SOS Arrazakeriak taldeak bertan gelditzeko eskubidea eskatuko dute elkarretaratze bidez asteazkenean 9:00etan auzitegi parean.
