Urrian, Sarasate pasealekuko 13. zenbakiko eraikina okupatu zuen Hirekin kolektiboak, "oraingo merkantzia-etxebizitza kapitalista" kritikatzeko. Iruñeko Udaltzaingoak, baina, kanporatu egin zituzten. Udaltzainek hainbat gazte zauritu zituzten, Hirekin kolektiboaren hitzetan. Poliziaren bertsioak dio zenbait udaltzain ere zaurituak izan zirela. Gazteek, ordea, ukatu egin dute bertsio ofiziala, "muntaia poliziala" dela salatu eta "salaketa faltsua" dela esan.
"Argazkiek eta medikuen txostenek beti bezala haiek eman eta guk jaso genuela frogatzen dute, baina badakigu justiziaren zirkua ordena eta jabetza pribatua bermatzeko aparatuaren parte dela", esan du Hirekin eragileak, ohar baten bidez.
45 hilabeteko kartzela zigorra
Otsailaren 28an epaituko dituzte hiru pertsonak: bakoitzari 15 hilabeteko espetxe zigorra eskatzeaz gain, osotara 7.650 euroko zigor eskaera egin diete hiruei.