Paul Parnhaman ZF TRWko zuzendari-gerenteak ahalmena du gaurtik aurrera 250 langile kaleratzeko. Landabengo lantokia errentagarria ez delakoan duela bi hilabete adierazi zuen langileak kaleratzeko asmoa. Negoziaziorik eta akordiorik ez denez lotu eta lan erreformaren ondorioz, gaurtik iritsi daitezke lantokira erabakiak.
Lehenengo unetik 250 langile kaleratzeko asmoa zegoela ohartarazi zuen Parnhmanek. Negoziazioek aurrera egin ahala, 123 kaleratze izan zitezkeela ere adierazi zuen, kalte ordaina 30 egunekoa litzatekeena urte bakoitzeko lanean, 17 aurrejubilazio eta beste 22 kaleratze urte amaierarako.
Alemanian batzartuko dira gaur 13:00etan ZF TRWko Europako komiteko Javier Jimeno (CCOO) eta Iñaki Alvarez (UGT) multinazionaleko kideekin 250 kaleratzeak negoziatzeko. Aurretik, 7:00etan komitea langileekin bildu dira azken mugimenduen berri emateko.