Urriak 20: Iruñerriko Mintzakuadrillak egitasmoaren aurkezpen berendua!

Datorren urriaren 20an, larunbata, Iruñerriko Mintzakuadrillak proiektuaren aurkezpen berendua antolatu da Iruñeko Katakrak tabernan. Talde ezberdinak martxan jartzeko aitzaki ederra izanen da! 18:00etatik aurrera denetarik aurkituko dugu bertan: aurkezpena, kontzertua (Irune Goñi), pintxo-poteoa, triki-poteoa...Elkar ezagutzeko aukera izanen dute partaide gazte guztiak! Gainera, proiektua ezagutzen ez duenak bere tokitxoa izanen du ere, izan ere, saio hau proiektuan interesa duen gazte ororentzat irekia izanen da. Animatu eta ezagut ezazu mintzakuadrillen mundua! Info +: irunerria@mintzakuadrillak.eus – facebook/irunerrikomintzakuadrillak/ - 674 35 19 17