Iruñerriko euskaldunon agerkaria
euskalerriairratia.eus

Komunetan emakumeak grabatu zituen tabernariaren kontrako epaiketa hasi da

Erabiltzailearen aurpegia Lukas Barandiaran San Roman 2017-05-16 13:06   Gizartea

Tafallako tabernari ohia gaur, asteartean, epaituko dute Iruñean intimitatearen kontrako 120 deliturengatik. Denera, 333 urteko kartzela zigorra eskatzen dituzte haren kontra.

Komunetan emakumeak grabatu zituen tabernariaren kontrako epaiketa hasi da
Iruñeko epaitegiak. | Ikusi handiago | Argazki originala

Tafallako tabernaren kudeatzaileak kamerak jarri zituen komunetan, eta 2014ko abuztua eta 2015eko urtarrila bitartean 326 emakume grabatu zituen. Horietatik 120k salaketa jarri dute, beste batzuek ez salatzea erabaki dute, eta beste batzuk ezin izan dituzte identifikatu. Salaketa jarri duten grabatutako emakume bakoitzagatik bi urte eta sei hilabeteko kartzela zigorra eskatu du fiskalak —98k salatu zuten—, eta adin txikikoen kasuan lau urtekoa —22k salatu zuten—.

Dena den, Ministerio Publikoak eskatu du gehienez hamabi urte igaro ditzala kartzelan. Izan ere, kartzelan igaro dezakeen epea ezin da izan ezarritako zigor gogorrenaren (lau urte) hirukoitza baino luzeagoa.

176.000 euroko indemnizazioa ere eskatu dute biktimentzat, 1.000, 1.500 eta 2.000 euroko kantitateetan banatuta.

Epaituak argudiatu zuen bezeroen jarrera txarrak amaitzeko jarri zituela kamerak, baina fiskaltzak frogatutzat eman zuen komunera sartu ziren emakumeen irudiak hartzeko jarri zituela.

 ARGIAk kasu horretan grabatu zuten emakume baten testigantza jaso zuen. Kasuari aurre egiteko zailtasunak azaltzen ditu idatzian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa