Atzoko porrotaren ondotik, Europa jokatzeko aukera ia guztiak galdu dituzte gorritxoek, denboraldia amaitzeko zazpi jardunaldiren faltan zazpigarren postutik zortzi puntura baitaude.

Sei urteren ostean Osasunako entrenatzaileak talde gorritxoa utziko duela iragarri du. “Berritzeko aukera neukan arren nire ibilbidea Iruñean amaitu dela sentitzen dut” azaldu du prentsaurreko hunkigarrian Jagoba Arrasatek. Gizonezkoen Osasunak erronka zaila du aurretik, zale gorritxoen ia erabateko adostasuna eta miresmena eragin duen entrenatzailea nork ordezkatuko duen bilatzen.