Uharteko Udal Batzordetik kanpo utzi dute Francisco Espinosa Cambiando Huarte koalizioko kidea. Duela zenbait egun Jose Antonio Beloki Geroa Baiko zinegotzia erasotu zuelako jaso du orain ohar hori. Nafarroako Podemoseko Koordinazio Batzordeak irekia zion kaleratze espedientea gertatutakoaren larritasuna ikusirik eta militantziatik kanpo zegoen behin behinean.
Cambiando Huarte koalizioko Alfonso Caldas bozeramalea kritiko azaldu da kanporatze oharrarekin: "Demokrazia ezarri zenetik ez zen inoiz halakorik gertatu", adierazi du. "Bultzada bat eman zionaren baieztapenarekin estali nahi dituzte beste hainbat kontu: maniobra bat izan da gaizki egin diren kudeaketen inguruan kritikak egin ez ditzagun", esan du.