Herriko festetan bigantxak nahi dituztela esan dute oraingoan Zizur Nagusiko herritarrek

Herriko festetan bigantxak nahi dituztela esan dute oraingoan Zizur Nagusiko herritarrek

Pasa den martxoan egindako galdeketaren emaitza irauli dute zizurtarrek. Parte hartu duten herritarren  %62ak baiezkoa eman die bigantxei, herri kontsultaren errepikapenean. Martxoan emandako emaitza onartu ez eta galdeketa berri bat eskatu zuen zizurtar talde batek. Parte hartze handiago izan da oraingoan, %23koa.

Datorren urteko festetan Zizur Nagusiak bigantxak berreskuratuko ditu. Aurtengo jaietan ez zen horrelakorik egon, martxoan egindako herri galdeketak festetako egitarautik kentzea erabaki baitzuen. Orduan %18ko parte hartzearekin 50 botoko aldea egon zen ezezkoa eta baiezkoaren aldean. Iraileko festetan txozna berriak eta kontzertuak programatu ziren bigantxen ibilbidea zegoen tokian. Emaitzarekin ados ez eta sinadura bilketa egin zuten galdeketa berri bat eskatzeko. Udal batzarrak baiezkoa eman zion eskariari.

Atzo, azaroaren 25ean, herri kontsultaren errepikapena egin zen Zizur Nagusian. Zenbait eragilek abstentzioa deitu bazuten ere, 2851 herritarrek parte hartu zuten, martxoan baino 632 gehiago. Horietatik 1774k baiezkoa eman zioten festetan bigantxak izateari, €62a alegia. 1037k ezezko bozka eman zioten.

Erlazionatuak

Festetako bigantxen inguruko herri galdeketa errepikatuko da Zizur Nagusian

Hego Iruñerria Zizur

Azaroaren 25ean errepikatuko dute pasa den martxoan egin zen galdeketa. Orduan, ezezkoak irabazi zuen eta aurtengo festetan ez zen bigantxarik izan...
Zizur Nagusian herri galdeketa bidez erabaki dute bigantxak jaietan ez erabiltzea

Erabiltzailearen aurpegia

Herri-galdeketa izan dute asteburuan Nafarroako Zizur Nagusian bigantxak festetan izan nahi ote dituzten jakiteko. 2.219 lagunek eman dute botoa; 1...