Etxe kaleratzeak geratu eta bidezko alokairuak sustatzeko legearen alde mobilizazioa egin du Plataformak

Euskalerria Irratia 2017ko api. 27a, 08:46

Gas, ur eta argi horniketak bermatzea eta etxebizitza soziala sustatzea bultzatuko du, besteak beste, Madrilen aurkeztuko duten lege egitasmoak.

Etxe kaleratzeak geratu eta bidezko alokairuak sustatzeko lege proposamena aurkeztu du Plataformak. Horregatik, kalera atera zen atzo Iruñean, aldarri hori kalean ere zabaltzeko. 

Orain dela lau urte saiatu zen hutsarazteak ekidinen lituzkeen etxebizitza legea aurrera ateratzen; ezin izan zuen, ordea, PPk baitzuen orduan gehiengoa. Orain, eserleku oreka aldatuta, "parlamentuaren osaketa berriari esker", kaleratzeak bertan behera utziko lituzkeen lege bat "posible" da, Plataformaren hitzetan.

Bost aldarri

Bost aldarriren bueltan egituratu dute lege proposamena: bat, atzeraeraginezko ordainketa bertan behera uztea; bi, bidezko alokairuak sustatzea; hiru, etxe kaleratzeak bertan behera geratzea; lau, etxebizitza sozialak babestea; eta bost, ur, argi eta gas horniketak bermatuta egotea.

Ekinklik.org webguneak osatu du argazki galeria eta gurera ekarri dugu Creative Commons lizentziari esker. Euren webgunean ikus daiteke osorik.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!