Elkarte sortu berria da Kabiak. Saharan kabiak esaten diete liburutegiei eta han oso preziatuak dira, kultur gose handia baitute, Kabiak elkarteko Maite Ramosek adierazi digun bezala.
Bestalde, Bubisher deitzen da Sahara basamortuan berri onak ekartzen dituen txoria eta izen hori, hain zuzen ere, aukeratu zuten kanpalekuetako liburutegibusak kudeatzen duen Espainiako elkartearentzat. Orain Nafarroan Kabiak sortu da Bubisher elkartearekin batera aritzeko asmoz. Bere xede nagusia da laguntza proiektuak garatzea Tindouf-eko errefuxiatu kanpamentuetako liburutegi eta ikastetxeekin, bertako libururazain, irakasle eta kultur eragilei laguntza emanez eta hango kultura gure artean ezagutzera emanez.
Aurtengo erronka nagusia liburutegi-bus berri bat lortzea da, zaharkituta eta hondatuta dagoena ordezkatzeko. Hori dena aditzera eman digu Maite Ramos, Kabiak elkarteko kideak Irrintzi Plaza saioan.