Bertan sei ikastetxek eta hainbat herritako 126 abeslarik eta hamazazpi soinu-tresna laguntzailek hartu dute parte: Jaso Ikastolatik, Tafallako Ikastolatik, Baztan Ikastolatik, Doneztebeko San Miguel Ikastetxetik, Mendaur Triki-pandero Eskolatik eta Leitzatik. Orotara, hamabi talde. Berriozarko entzunaretoa beteta egon da 300 ikuslerekin.
Amaia Dominguez, antolatzailea, "oso eskertuta" dagoela adierazi du, bai Jaso Ikastolako ikasle ohien aurkezpen lanarengatik, baita Berriozarko Udalaren laguntzarengatik ere.
Emanaldi "zoragarria" izan dela jakinarazi du, halaber, eta haur eta gaztetxoentzat "esperientzia paregabea".
Jaialdi nagusia apirilaren 30ean eginen dute, Tafallako kulturgunean.