Hastapen-mailatik eta 8. mailara arteko musika ikasketak eskaintzen dituen Iruñeko Udal Musika Eskolak gaur ezagutzera eman du heldu den ikasturterako onartutako ikasle berrien zerrenda.
Eskola honetan Iruñeko Erroldan izena emana duten 7 urtetik gorakoak matrikulatzen ahal dira. Eskolan aurretik hainbat ezagupenen jabe izaki sar daiteke, edo deus ere jakin gabe eta zozketa bidez erabakitzen da nor sartu.
Eskola honetan haur eta helduek Musikaren Lengoaia (gaztelaniaz edo euskaraz) eta kantua ikasteaz gain, musika tresna ugari dute aukeran: biolina, biola, biolontxeloa, kontrabaxua, pianoa, akordeoia, gitarra, flauta, oboea, klarinetea, fagota, txistua, saxofoia, tronpeta, tronboia, tronpa, perkusioa, tuba, bonbardinoa, gitarra elektrikoa, baxu elektrikoa eta bateria.
2015-2016ko IKASTURTERAKO ONARTUTAKOEN ZERRENDA.
2015-2016ko IKASTURTEAN SARTZEKO ADINGABEEN ITXARON ZERRENDA.