Gaur ekinen diote gaitariek eta txistulariek musika Gazteluko plazan jartzeri. Ekainean, uztailan, abuztuan eta irailean eskainiko dituzte gaita eta txistu doinuak astearte eta ostegunetan. Guztira 18 kontzertu izanen dira. Sanferminek irauten duten bitartean geldialdia eginen dute baina, gainerakoan musika izanen da nagusi Gazteluko plazan. Kalejirak, polkak, zortzikoak, porrusaldak eta dantzagarriak diren beste hainbat abesti joko dituzte.
Iruñeko Udalak hitzarmena du Iruñeko Gaiteroak taldearekin eta Iruñeko Txistulari taldearekin. Horri esker, udako astearte eta ostegunetan gaita eta txistuak alaituko du Gazteluko plaza musikaz.
Ekainaren 16, 18, 23, 25 eta 30ean izanen dira; uztailean 2an bakarrik; abuztuan 18, 20, 25 eta 27an eta irailean 1, 3, 8, 10, 15, 17, 22 eta 24an.