Sanferminetan duten parte hartzeagatik diru-laguntzak banatu ohi dizkie Iruñeko Udalak. Maiatzaren 28an amaituko da epea Peñek eskaerak egiteko. Guztira 81.750 euro banatuko ditu Udalak: "Peñek egiten duten lana babestu eta festetan eragiten duten jai giroa sustatzeko laguntzak dira". Iaz 15 peñen artean 81.600 euro banatu zituen.
Ez dira diruz lagunduko ekimen politikoak, herritarren eskubideak oztopatzen dituztenak, Konstituzioa betetzen ez dutenak eta legea bete gabe aritzen direnak. Iruñeko Udalen Erregistro Orokorrean egin beharko dira eskaerak.