Laugarren aldiz antolatu du Santo Domingo azokak Mexikori eskainitako jaia. Sol izeneko garagardoa probatzeko aukera eta guakamolea ere izanen da. Euro baten truke hartu daiteke jatekoa eta beste euro baten truke edatekoa. 11:30ean ekinen diote jaiari. Chuchin Ibañez kantari ariko da azokan barna eta eguerdian Mañueta kalean jarriko ditu rantxera doinuak.
Iaz 800 aperitibo banatu zituzten eta aurten gehiago emanen dituztela uste dute. Kafe Zentralek ere larunbatean Mexikoko doinuak eta dekoratua izanen ditu.