Iruñeko Udalak dirulaguntzen deialdia egin du Iruñeko peñei haien jai giroko ekimenak diruz laguntzeko aurtengo Sanferminetan. Laguntza hauetatik kanpo geldituko dira ekitaldi politiko eta aldarrikatzaileak edota halako helburuetarako erabiltzen direnak. Modu berean, jakinarazi du Iruñeko Udalak, pertsonen askatasunaren aurka doazen jarduerak hala nola Konstituzioa eta legeak betetzen ez dituztenak, deialdi honetatik at geldituko dira.
Diruz lagundutako ekitaldi batean parte hartzaileek ez badituzte eskakizun hauek betetzen, Udalak dirulaguntza itzultzeko eta isuna jartzeko eskubidea izanen duela jakitera eman dute agintariek.