Gaur goizean Trantreako Gazteek hartu dute bideo eta argazkien saileko saria Donostian egindako mikromatxismoaren inguruko jardunaldietan. Reflex kamera bat izan da saria eta modu honetara adierazi dute haien poza Twitter bidez: “#TxantreakoJaiak @topatuinfo eta @Gaztezulo-ren kamera berriarekin ospatuko ditugu. Ongi probestuko dugu :P”
Ematen den ezkutuko indarkeria sexista erakusten duten 36 lan jaso dira Euskal Herria osotik: 11 ilustrazio, 11 argazki, 10 idazlan eta 5 bideo. www.gaztesorkuntzalehiaketa.net atarian ikusgai daudenak.
Antolatzaileek gazte sortzaile eta feministei egin zien deia bereziki lehiaketan parte hartzeko. Topatu.info eta Gaztezulo gazteentzako komunikabide hauek hedabideek jendartea eraldatzeko funtzioa betetzen dutela gogorarazi zuten lehiaketaren aurkezpenean eta, era berean, bi komunikabideek zehazki, feminismoarekiko konpromisoa dutela azpimarratu zuten.