Dieta bikoitza jasotzen dute Nafarroako Kutxan Yolanda Barcina, Miguel Sanz, Alvaro Miranda eta Enrique Mayak. Bata, publikoa, Erakunde Sortzaileen Batzordean parte hartzeagatik. Bestea, ezkutua, Erakunde Sortzaileen Batzorde horretako Batzorde Iraunkorreko kide izateagatik. Orain arte, inork ez zuen bigarren batzorde horren berri. Irrati honetako kolaboratzaile Ibai Fernandezek ezagutzera eman zuen atzo, Diario de Noticiasen. Ibai bera Pasahitza saioan izanen dugu gaur, 10:30ean, honetaz guztiaz hitz egiteko, Berriako Joxerra Senarrekin batera.